Si alyas Mama B, isang lalaki, ay nagtangkang magbenta ng hinihinalang methamphetamine hydrochloride o shabu sa isang nagpanggap na buyer na ahente ng pulisya sa Barangay New Lower Bicutan bandang alas 8:45 ng gabi.
Nang magkaabutan na ng pera at hinihinalang droga, lumabas ang mga tauhan ng Southern Police District - Drug Enforcement Unit at inaresto si Mama B.
Nakuha rito ang tinatayang 100 gramo ng hinihinalang shabu.
Ang nakuhang ebidensya ay ibinigay na sa Southern Police District Forensic Unit para sa qualitative at quantitative analysis.
Nakapiit na ngayon si Mama B at haharap sa kasong paglabag sa Republic Act 9165 o Comprehensive Dangerous Drugs Act of 2002.
(Mga larawan mula sa SPD)
