Nagsagawa ng operasyon ang mga tauhan ng Substation 9 ng Taguig City Police sa MLQ Sreet corner Samaba, New Lower Bicutan, Taguig City kaninang 2:40 ng madaling araw, Disyembre 5, na naging dahilan ng pagkaaresto ni alyas Alex, 29.
Nagsasagawa ng pagpapatrulya ang Taguig Police sa lugar nang matiyempuhan nila ang suspek na may dalang dalawang heat-sealed transparent plastic sachet na naglalaman ng puting tila kristal na bagay na kalaunan ay napag-alamang shabu na may 30 gramo ang bigat.
Nahaharap si Alex sa kasong paglabag sa Republic Act 9165 o sa Dangerous Drugs Act.
Sa kasalukuyan ay nakabilanggo na sa Station Custodial Facility of Taguig City Police Station ang suspek.
(Photo by Taguig Police)
