₱408,000 Halaga ng Shabu, Nakumpiska sa 39 Anyos na Lalaki sa Barangay Cembo | Taguig Balita

₱408,000 halaga ng hinihinalang shabu ang nasamsam ng mga tauhan ng Station Drug Enforcement Unit (SDEU) ng Taguig City Police sa isang lalaki sa operasyong isinagawa ng mga ito sa Barangay Cembo, Taguig City noong madaling araw ng Agosto 20, 2024.



Humigit kumulang sa 60 gramo ng shabu ang nakuha kay alyas Romark, 39 taong gulang sa nabanggit na barangay bandang alas 4:00 ng madaling araw.



Nabawi rin ng mga otoridad ang ginamit na buy-bust money na ₱500 totoong pera at anim na pirasong ₱1000 boodle money.

Mahaharap sa kasong paglabag sa Section 5 at Section 11 ng Article II ng Republic Act 9165 o ang Comprehensive Dangerous Drugs Act of 2002.

(Mga larawan mula sa Taguig City Police)