Ang mga nagnanais na bumiyahe mula University of the Philippines Los Baños (UPLB) patungong University of the Philippines Diliman (UPD) ay maaari nang magawa ito ng diretso sa pamamagitan ng biyahe ng DLTB buses sa rutang ito simula sa Agosto 19, 2024.

Sa halagang P165, maaari nang makapagbiyahe ng diretso sa dalawang campuses ng UP na dadaan sa Metro Manila Skyway at lalabas sa Quezon Avenue sa Quezon City.

News Image #1

(Infographic ng UP Los Baños Community Affairs' Facebook Page)

Sa ngayon, limitado pa ang iskedyul ng pagba-biyahe nito tuwing Lunes hanggang Biyernes. Ang bus ay may dalawang biyahe mula sa UPLB ng alas 5:00 ng umaga at ala 1:00 ng hapon mula sa Kanluran Road loading bay sa harap ng CDC. Mula naman sa UPD patungong UPLB, ang biyahe ay alas 9:00 ng umaga at alas 6:00 ng gabi, at ang sakayan ay sa kanto ng Lakandula Extension at Jacinto Street.