Hindi lang ipinagbabawal na gamot ang nakumpiska sa isang buy-bust operation kung hindi maging ilegal na armas mula sa isang 47 taong gulang na lalaki sa Barangay Central Bicutan, Taguig City noong Hulyo 16, 2024.
Sa isinagawang operasyon ng Station Drug Enforcement Unit ng Taguig City Police, sa pakikipagtulungan ng Sub-station 7 noong Martes ng alas 4:40 ng madaling araw, naaresto ang suspek na lalaking si alyas Joy na nagta-trabaho bilang contractor.
Nakumpiska kay alyas Joy ang 31.6 gramo ng hinihinalang shabu na tinatayang nagkakahalaga ng ₱214,880.00.
[Photo3]
Nadiskubre rin ng pulisya ang ilegal na armas na dala ni alyas Joy na isang kalibre .45 Armscor pistol, limang bala, at isang magazine.
Nakuha rin muli ang tunay na ₱500 bill at P6,000.00 na boodle money na ginamit sa buy-bust operation.
Nahaharap ngayon si alyas Joy sa kasong paglabag sa Section 5 at Section 11 ng Republic Act 9165, o ang Comprehensive Dangerous Drugs Act of 2002, at gayundin sa Republic Act 10591, o Comprehensive Law on Firearms and Ammunition.
Naibigay na ang mga nakumpiskang ebidensya sa Southern Police District Forensic Unit (SPDFU) para sa pag-aanalisa.
(Larawan ng Taguig City Police)
Hindi Lang Shabu, Nakuhanan pa ng Armas ang Isang Lalaki sa Barangay Central Bicutan | Taguig Balita
Pick your language preference for this article:
/
Piliin ang inyong wika para sa artikulong ito: