Magsasanib puwersa ang mga Original Pilipino Music artists, Korean-Pop artists at British artists sa libreng konsyertong isasagawa sa Bonifacio High Street sa Fifth Avenue, BGC, Taguig City.
Ang K-Pop group na Itzy na kinabibilangan nina Yeji, Lia, Ryujin, Chaeryeong at Yuna ang mangunguna sa selebrasyon ng pagsalubong sa Bagong Taon sa NYE at the 5th.
Magtatanghal din ang OPM artist na si Rico Blanco ng kanyang mga pamosong awitin.
Ang British duo naman na Honne ay mapapanood din sa makasaysayang pagsalubong ng BGC sa pakikipagtulungan ng Taguig City Government sa Bagong Taon.
Ang pagtatanghal ay bukas sa publiko at walang bayad.
(Mga larawan mula sa Bonifacio Global City Facebook Page)
