Lalaki, Nabali ang Binti at Nasugatan sa Self-Accident sa Motorsilo sa Barangay Western Bicutan | Taguig Balita

Isang lalaki ang nagkaroon ng bali ang kanang binti at nasugatan ang kanang hita sa isang aksidenteng naganap sa Sync Street ARCA South, Barangay Western Bicutan, Taguig City.



Napag-alaman na nakasakay sa kanyang motorsiklo ang lalaki nang sa hindi malamang kadahilanan ay nabangga ito na naging dahilan ng kanyang pagkakaroon ng bali at sugat.



Agad namang rumesponde ang Bureau of Fire Protection ng Taguig City sa ilalim ng pamumuno ni Fire Superintendent Eddie Tanawan, sa superbisyon ni SFO1 Paul Edson D Regalado upang tulungan ang lalaki.

Ginamot nila agad ang pasyente at nilagyan ng splint ang kanang binti nito na nabali, at saka dinala ng Barangay Western Bicutan Medical Team sa pinakamalapit na pagamutan.

(Photos by Taguig Bureau of Fire Protection)