Tumilapon ang biktimang si Dindo Esmael at nagtamo ng mga pinsala sa ulo, binti at braso. (I-click ang video sa ibaba mula kay Mac Bayquen)
Tumakas naman ang nakabanggang naka-motorsiklo na ayon sa mga nakasaksi ay naka-t-shirt at shorts, kulay blue ang motorsiklo na wasak ang harapan.
Nagresponde kaagad ang Traffic Management Office officer na si Arsega at ang Taguig Rescue Ambulance upang dalhin si Esmael sa Taguig Pateros District Hospital.
Sa kasamaang palad, nasawi rin dahil sa tinamong pinsala sa ulo ang biktima.
Nakikiusap ang kamag-anak ni Esmael na si Jonalyn Vargas na lumabas na ang nakabangga sa biktima at akuin ang kasalanan nito.
"Sana po may tumulong at makuha ang hustisya na dapat sa kanya. Sana po may mabuting tao na makatulong at makita ang nakapatay sa kanya," ang pahayag ni Vargas sa Facebook account nito.
(Photo by Jonalyn Vargas)
