Libreng Konsiyerto, Pagpapatikim ng Bilis ng 5G Service, at Mag-iikot na Robots sa Smart 5G Max sa BGC | Taguig Balita

Ang mga sikat na mang-aawit na sina Bamboo, Moira Dela Torre, AC Bonifacio, at Arthur Nery ay mapapanood ng libre sa isang pagtatanghal ng Smart Communications, Inc., (Smart) sa 5th Avenue Bonifacio Global City (BCG), Taguig City, ngayong Sabado, Disyembre 14, 2024 simula alas 5:00 ng hapon


(Larawan ng Smart)

Ipapakita rin ng Smart ang lakas ng kanilang 5G Max sa naturang kaganapan. Anila, napatunayan na nila ito sa BCG na tuloy-tuloy ang serbisyo ng internet kaya tuloy-tuloy rin ang streaming, paglalaro at pagbabahagi ng content ng mga gumagamit ng kanilang serbisyo.

"Gone are the days of fluctuating connections from 5G to 4G and even 3G. With Smart 5G Max, you can enjoy, fast download speeds for streaming, instant uplink for sharing, and low-latency for gaming - all without interruption and on-the-go," ayon sa Smart.

Ang pinakahuling wireless technology na 5G o fifth generation ay nagbibigay ng napakabilis na internet speed para sa downloading at uploading, hindi bumabagal ang nag-ge-gaming at mas malaking bandwidth para sa mas maraming devices at mas magandang kalidad ng serbisyo.

May ilalagay na Creator's Lab, Game Arena, Stream Theater, at 5G-powered Stage and Store ang Smart sa naturang kaganapan.

Mayroon ding mag-iikot na Service Delivery Robot at Robot Dog sa naturang kaganapan.