Walongdaan at limampung libong pisong halaga ng methamphetamine hydrochloride o shabu ang nakumpiska ng Philippine National Police Drug Enforcement Group (PDEG) sa isang buy bust operation sa Barangay Napindan, Taguig City noong Disyembre 9 ng hapon.

News Image #1


Isang 47 taong gulang na lalaking nagngangalang Ellery Natividad Sumulong ang nakuhanan ng 125 gramo ng shabu.

Nagpanggap na bibili ng ipinagbabawal na gamot ang isang ahente ng PDEG at ibinigay ang isang markadong P1, 000 pera kay Sumulong.

Nang kunin nito ang pera, agad na inaresto ito ng mga tauhan ng PDEG at nakuha ang shabu, ang ginamit nap era sa buy bust, isang puting envelope, isang glass tube, isang digital weighing scale, isang piraso ng nakarolyong aluminum foil, lighter at cellphone.

Dinala na ang suspek at ang mga nakumpiskang ebidensiya sa PDEG Special Operations Unit-National Capital Region office sa Camp Bagong Diwa sa Taguig.

(Photo by PDEG)