Ang Pet Caravan na ito sa Marso 1, mula alas 8:00 ng umaga hanggang alas 5:00 ng hapon ay para lamang sa mga residente ng EMBO barangays.
Maaaring mag-walk-in ang mga EMBO residents dala ang ID na may address sa EMBO barangays sa Taguig at ang pinakahuling vaccination card ng alaga (kung mayroon) para sa libreng anti-rabies vaccination, deworming, vitamin shots at gamot, microchipping at konsultasyon.
Ang kailangan lamang na magpa-rehistro bago ang araw ng Pet Caravan ay ang mga magpapakapon ng aso at pusa. Mag-rehistro sa https://bit.ly/EMBOSpayingAndNeutering at sagutan ang online registration form. Isang alaga lamang sa bawat isang may-ari ang ikakapon.
Hintayin muna ang confirmation text o email mula sa Office of the City Veterinarian para malaman kung makakasama ang alaga sa kakapunin sa Marso 1. Sumagot sa confirmation text o email bago o sa mismong araw na ibinigay na deadline. Kapag hindi naka-reply, maaaring ibigay ang slot sa iba.
Sa mga ide-deworm na alaga, kailangang wala itong sakit at nasa edad na 2 linggo pataas na.
Ang mga magpapasaksak naman ng anti-rabies para sa alagang aso at pusa ay kailangan ding walang sakit ang alaga at may edad nang 3 buwan pataas. Bawal din ang buntis, nagpapasuso o naglalanding alagang babae. Kailangan ding wala itong nakagat na tao o kapwa hayop sa nakaraang 2 linggo.
Ang mga papasok naman sa listahan ng kakapunin ay kailangang 6 na buwan pataas at ang timbang ay 3 kilo pataas. Hindi rin buntis, nagpapasuso, naglalandi at walang sakit. Kailangan ding walang nakagat ang hayop sa makalipas na 14 na araw. At kinakailangang hindi kumain ang alaga 6 hanggang 8 oras bago ikapon.
Kung may mga katanungan, maaaring makipag-ugnayan sa Office of the City Veterinarian ng Taguig City sa art card sa ibaba.
(Art cards from Office of the City Veterinarian - Taguig)
(Larawan mula sa Taguig PIO)
