Isang babae at dalawang lalaki ang inaresto ng pinagsanib na puwersa ng Southern Police District Drug Enforcement Unit, Philippine Drug Enforcement Agency, Taguig Police Drug Enforcement Unit at Philippine National Police Maritime Group sa isang buy-bust operation sa Barangay Ibayo Tipas, Taguig City noong Hunyo 14.

Ang mga inaresto ay kinilalang sina Jeffrey Bunyi, 51, Chris Aileen Prangan, 35, at Andrei Dela Cruz, 19. Nakuha sa mga ito ang apat na plastic sachet na may lamang hinihinalang shabu na may bigat na 6 na gramo at nagkakahalaga ng P40, 800; dalawang plastic na zip lock bags na may lamang hinihinalang cocaine na may bigat na 3.66 na gramo at nagkakahalaga ng P19, 398; at isang P500 perang papel na ginamit ng buy-bust money.

News Image #1


Kinasuhan ang tatlo ng paglabag sa Republic Act 9165 o Comprehensive Dangerous Drugs Act of 2002.

Sinasabing si Bunyi ang isa sa mga kilalang tulak ng droga sa Taguig.