Trabaho ba ang Hanap? May Mega Job Fair sa Vista Mall-Taguig sa Nobyembre 29, 2024, Alas 9:00 ng Umaga Hanggang Alas 4:00 ng Hapon | Taguig Balita

Isang Mega Job Fair ang isasagawa ng Public Employment Service Office (PESO) - Taguig at Department of Labor and Employment (Muntaparlas Field Office) sa Nobyembre 29, 2024 sa Vista Mall, Levi Mariano Avenue, Barangay Ususan, Taguig City, bilang paggunita sa Araw ng ating bayaning si Andres Bonifacio.



Ang lahat ng mga nais magkatrabaho ay may tsansang matanggap on the spot dahil naroon na mismo ng mga magsasagawa ng interview sa mga aplikante.

Mayroong pre-registration at check-in ng mga aplikante upang mas mapabilis ang proseso ng pag-a-apply.

I-click lamang ang link na ito:
https://bit.ly/BonifacioDayTaguigMegaJobFair

Magsisimula ng alas 9:00 ng umaga at magtatapos ng alas 4:00 ng hapon ang aplikasyon sa trabaho sa Phase 2 Activity Area ng Vista Mall - Taguig.



Ang pagsasagawa ng job fair ng Taguig PESO ay upang mabigyan ng pagkakataon ang mga naghahanap ng trabaho na makita na ang para sa kanila at makatulong din sa paglago ng ekonomiya.

Ang Bonifacio Day ay isang taunang paggunita sa kabayanihan ni Gat Andres Bonifacio na Ama ng Rebolusyon ng Pilipinas at nagtatag ng Katipunan noong panahon ng mga Kastila.

(Mga larawan mula sa Taguig PIO)